AKTIVITET TRAJNUES: “Kompetencat e gjyqtarit të seancës paraprake, roli i tij në procesin penal.” - 21 prill 2026

Shkolla e Magjistraturës, më datë 21 prill 2026, zhvilloi aktivitetin trajnues me temë: “Kompetencat e gjyqtarit të seancës paraprake, roli i tij në procesin penal. Kufiri lidhur me vlerësimin dhe çmuarjen e provave. Mundësitë e vendimmarrjeve të gjyqtarit të seancës paraprake. Problematikat në praktikë lidhur me disponimin për plotësimin e hetimeve, përllogaritjen e afateve të paraburgimit në rastin e disponimit për plotësimin e hetimeve, pushimin e çështjes, ndryshimin e akuzës. Ndarja e çështjes në gjykimin në seancë paraprake dhe parashikimi ligjor lidhur me detyrimin e shqyrtimit të çështjeve të ndara nga i njëjti gjyqtar i seancës paraprake. Zbatimi i rasteve të papajtueshmërisë”, pranë ambienteve të Shkollës së Magjistraturës, në Tiranë. 

Ky aktivitet u drejtua nga: 

Ekspertë: Sokol Binaj, Adelajda Gjuzi

Lehtësues: Artur Prenga

Qëllimi i këtij trajnimi është: Të njihen pjesëmarrësit me kompetencat e gjyqatrit të seancës paraprake dhe rolin e tij në proçesin penal. Standardet e vendosura nga Gjykata e Lartë në lidhje me kufirin e vlerësimit dhe çmuarjes së provave nga ana e GJSP, si dhe mundësitë e vendimarrjes në këtë fazë të proçesit. Evidentimi i problematikave të konstatuara në praktikë lidhur me disponimin për plotësimin e hetimeve, përllogaritjen e afateve të paraburgimit në rastin e disponimit për plotësimin e hetimeve, pushimin e çështjes, ndryshimin e akuzës. Ndarja e çështjes në gjykimin në seancë paraprake dhe parashikimi ligjor lidhur me detyrimin e shqyrtimit të çështjeve të ndara nga i njëjti gjyqtar i seancës paraprake

Trajnimi u realizua duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.

Gjatë këtij aktiviteti trajnues u trajtuan tema të ndryshme, si: 

• Kompetencat e gjyqtarit të seancës paraprake, roli i tij në procesin penal. 
• Kufiri lidhur me vlerësimin dhe çmuarjen e provave. Mundësitë e vendimmarrjeve të gjyqtarit të seancës paraprake.
• Problematikat në praktikë lidhur me disponimin plotësimin e hetimeve, përllogaritjen e afateve të paraburgimit në rastin e disponimit për plotësimin e hetimeve, pushimin e çështjes, ndryshimin e akuzës. 
• Ndarja e çështjes në gjykimin në seancë paraprake dhe parashikimi ligjor lidhur me detyrimin e shqyrtimit të çështjeve të ndara nga i njëjti gjyqtar i seancës paraprake.  Zbatimi i rasteve të papajtueshmërisë.
• Kompetencat e gjyqtarit të seancës paraprake, roli i tij në procesin penal. Gjyqtari i seancës paraprake dhe vlerësim apo çmuarje të provave. 
• Mundësitë e vendimmarrjeve të gjyqtarit të seancës paraprake.Vendimi për kthimin e akteve prokurorit për të formuluar akuzë. Kufizime të kompetencës së GJSP për të vendosur kthimin e akteve për të formuluar akuzë. Revokimi i vendimit te pushimit. Dërgimi në gjyq. 
• Ndryshimi i akuzës në seancën paraprake. Kompetenca e GJSP lidhur me aktet dhe provat e hetimit.
• Afati i paraburgimit që konsumohet gjatë seancës paraprake.
• Ndarja e çështjes në gjykimin në seancë paraprake dhe parashikimi ligjor lidhur me detyrimin e shqyrtimit të çështjeve të ndara nga i njëjti gjyqtar i seancës paraprake. Zbatimi i rasteve të papajtueshmërisë.
• Pushteti funksional i GJSP për pushimin e çështjes. Jurisprudenca e KPGJL. Ndryshimi i cilësimit juridik. Pretendime mbi marrjen e provave të reja pas pranimit të gjykimit të shkurtuar nga GJSP.
• E drejta e gjyqtarit të themelit për të vlerësuar vlefshmërinë e vendimit të gjyqtarit të seancës paraprake.
• Kompetenca e gjyqtarit të seancës paraprake kur vendoset për plotësim hetimesh.
• Çështjet e veçuara të të njëjtit procedim penal dhe shqyrtimi i tyre nga gjyqtari i seancës paraprake.

Në këtë aktivitet trajnues morën pjesë gjyqtarë dhe prokurorë të Republikës së Shqipërisë.